jueves, 23 de mayo de 2024

CLUB DE LECTURA

     Por primeira vez na escola atrevementos a facer un club de lectura. Esta foi a primeira xuntanza cos nenos e nenas de 6º de infantil e as súas familias, Foi arredor do libro "Mi primer Principito". Cando rematou a conversa, puidemos gozar todos xuntos dunha pequena merenda. Esta nova experiencia foi todo un éxito que seguro volveremos a repetir.







DÍA DAS LETRAS GALEGAS "CAFÉ CON LETRAS"


 Este ano conmemoramos o día das Letras Galegas coa nova iniciativa "Café con letras", achegando aos nosos nenos e nenas a nosa lingua. Dende a EEI de Vilalaba queremos agradecer tanto ao noso alumnado polo seu traballo, ás familias por colaborar coas vosas fotos nas redes sociais e aos establecementos colaboradores por facer posible este proxecto.




DÍA DAS LETRAS GALEGAS NO COLE

Para conmemorar o día das letras galegas o noso alumnado participou nun contacontos levado a cabo por alumnas do Lois Peña Novo. Moitas grazas tamén ao alumnado e profesorado que fixeron posible este encontro.

Ademais os nenos e nenas da escola elaboraron un mural e fixeron  nas aulas con actidades para coñecer mellor a Luisa Villalta, a homenaxeada este ano 2024.




DÍA DA FAMILIA

Este ano dende a biblioteca, propúxose conmemorar na escola o día da familia a través do libro "El Hilo invisible". Os nenos e nenas de 5º e 6º de infantil fixeron unha manualidades para os seus... que levaron para casa con moita alegría. 






 

VIAXE ÁS LAGOAS DE COSPEITO

 Onte fixemos unha andaina pola LAGOA DE COSPEITO 🦆💦.

O alcalde explicounos as principais características da contorna mentres que observabamos a fermosa paisaxe. A continuación, demos un paseo, merendamos e para finalizar a xornada, a profe Merce contounos a lenda da lagoa.Foi un día xenial!!




viernes, 3 de mayo de 2024

DÍA DO LIBRO 2024

     No "Día do Libro" recibimos a visita da escritora e mestra vilalbesa, María Xosé Lamas.

    Ademais, seguindo a tradición nesta data, cada neno e nena recibiu un libro(dos fondos da nosa biblioteca) e unha rosa.




AURORA CONDUTORA E DRAGONCÍN CANTARÍN

 

    Hoxe tivemos o pracer de ter connosco á autora do libro "Aurora condutora e Dragoncín cantarín"; un conto inclusivo que anima aos nenos a non renderse e loitar polos seus soños. A actividade rematou cunha canción que todos cantamos e bailamos. 

Grazas Susana por facérnolo pasar tan ben.