BO NADAL!

Co noso mural, feito con latas de conserva decoradas polas familias, desexámosvos un 

FELIZ NADAL!

PROPOSTAS DE LECTURAS DA BIBLIOTECA ESCOLAR

Dende a Biblioteca Escolar deixamos algunhas propostas de lecturas para as vosas cartas de Papá Noel ou Reis Magos.

FESTA DE NADAL 2021

Rematamos o 1º trimestre coa visita das SS.MM. os Reis Magos, festa nas aulas e chocolatiño con churros.

OBRADOIRO DE GALLETAS DE NADAL

Esta semana fixemos un obradoiro de cociña. Os nosos pequenos e pequenas Masterchefs prepararon unhas deliciosas galletas de Nadal.

A NOSA ÁRBORE DE NADAL NA PRAZA DA CONSTITUCIÓN DE VILALBA

Un ano máis, o concello de Vilalba, solicitou a colaboración dos centros da vila para adornar no Nadal as árbores da praza da Constitución.

O noso centro, apostando pola reciclaxe creativa, elaborou uns adornos creados con tapóns de leite.

"FAMILIAS DIVERSAS"

"Familias diversas": un espectáculo da compaía de teatro TRINKE TRINKE coa que desfrutamos fai uns día grazas á ANPA.

DÍA DA DIVERSIDADE (3 DE DECEMBRO)

Os centros educativos de Vilalba unímonos, neste vídeo, para conmemorar o DÍA DA DIVERSIDADE.

A DANZA E A IGUALDADE

Continuamos co programa "EDUCAR EN IGUALDADE", organizado pola ANPA, para este mes de novembro.

O luns, saímos ao auditorio da vila, para ver o espectáculo de danza pola igualdade: "SUPERPODERES".

TEATRO PARA IGUALDADE: "IRIÑA BAILARINA"

Dentro do programa EDUCAR EN IGUALDADE, promovido pola ANPA, a compañía teatral "Ghazafelhos" representou o fermoso conto IRIÑA BAILARINA.

Un pirata, un xogador de futbolín, unha bailarina de caixiña de música e un único desexo; xogar sen límites para medrar sen “medidas”. Ghazafelhos propón reflexionar sobre a igualdade de xénero, o cambio de roles ou os estereotipos sociais.

 

MAGOSTO 2021

O 11 de novembro, día de San Martiño, celebramos o MAGOSTO na escola.

Tivemos a sorte de contar co espectáculo Brinca vai!, de Paco Nogueiras. Grazas á ANPA por traernos esta actuación para amenizar o noso Magosto.

 

SAMAÍN 2021

Festexamos o Samaín por todo o alto! 

Decoramos os nosos patios con bruxas, monstros e catrinas... 

Desfrutamos dun contacontos a cargo da profe Mercedes: "A BRUXA QUE COMÍA PALABRAS BONITAS"... 

Festa de disfraces...

Photocall do terror...

DÍA DAS BIBLIOTECAS- 24 DE OUTUBRO-

Un lugar máxico para ler, aprender e descubrir.

Feliz Día Das Bibliotecas Escolares!

FESTA FIN DE CURSO 2020/2021

Rematamos o curso con FESTA RACHADA: xogos tradicionais, baile, paracaídas, colchonetas e merendola. 

O NOSO INMENSO AGRADECEMENTO Á ANPA POR FACER REALIDADE O SOÑOS DOS MÁIS PEQUEN@S.

DE CAMIÑATA!

O pasado mércores, fixemos un pequeno percorrido polo Camiño de Santiago que pasa pola nosa vila, Vilalba.

Visitamos o albergue As Pedreiras, a queixería Prestes, a Torre de Andrade e o Muíño do Rañego.