A NOSA BIBLIOTECA

    Temos moitos libros novos na nosa Biblioteca e POR FIN! xa temos mesas. Aí tedes unha foto.

  

ROBERTO VIDAL BOLAÑO

Na Escola coas profes aprendimos moitascousas sobre o personaxe das Letras Galegas deste ano.

18 de MAIO DIA INTERNACIONAL DOS MUSEOS

  O Día 18 de Maio é o día internacional dos museos. É un bo día para facer algunha visita  a un Museo. Nosoutros en Vilalba temos o  MUSEO ARQUEOLOXICO  que é moi interesante.
  Podemos aproveitar para visitar o Museo de Lugo e o Museo do Castro de Viladonga.  RECORDADE este fin de semana  van ter as portas abertas e de balde.

Ven bailar Carmiña ..............

   Bailamos , Cantamos , Xogamos, Falamos e Lemos ......en GALEGO

17 DE MAIO DIA DAS LETRAS GALEGAS

                ESTA SEMANA IMOS CELEBRAR O DIA DAS LETRAS GALEGAS!!

O 17 DE MAIO É UNHA DATA MOI IMPORTANTE PARA GALICIA, A SUA LINGUA E A SUA CULTURA . ESTE ANO IMONOS  ACHEGAR Á OBRA DE ROBERTO VIDAL BOLAÑO.
                                      

Roberto Vidal Bolaño naceu en Santiago de Compostela en 1950 e faleceu na mesma cidade en 2002. Formou parte do denominado "Grupo Abrente" que, a partir da década dos 70, renovou e actualizou tanto a escrita como as representacións dramáticas galegas. Todas as súas actividades xiraron sempre, e en exclusiva, arredor do teatro: desde a creación do "Grupo Antroido", en 1975, até a súa compañía actual "Teatro do Aquí", pasando pola breve experiencia da cooperativa "Teatro do Estaribel". En 1978 deu o paso definitivo que levou ás xentes do teatro galego a se transformaren en profisionais, superando de vez a pantasma de "amador" que pairara sempre sobre a historia do noso teatro.
     A súa produción está caracterizada polo compromiso co país e a lingua, a experimentación estética, e o diálogo coa tradición, tanto culta como popular, literaria e histórica, social e política. O feito de que Vidal Bolaño escribise para a súa compañía, coa urxencia que esixe a obrigada estrea anual e a atención dedicada ao texto espectacular, non empeceu en absoluto a calidade literaria dos seus textos dramáticos, nos que as resonancias de Otero Pedrayo e Valle Inclán se transforman en esmaltes que enriquecen a súa literatura e agasallan ao lector.
     A pesar de que xa nas décadas dos setenta e oitenta lograra diversos premios ("Abrente", "O Facho" e "Ciudad de Valladolid"), como aconteceu con outros integrantes do "Grupo Abrente", o recoñecemento artístico de Vidal Bolaño non se produciu até os anos noventa, cando a obtención de premios institucionais, galegos e portugueses ("Rafael Dieste", "Alvaro Cunqueiro", "Xacobeo 92", "Eixo Atlántico", "María Casares"...), normalizou tanto a publicación das súas obras como o seu coñecemento por parte da prensa e, en consequencia, do público.
     A súa forte personalidade deixou unha profunda pegada nos dramaturgos máis novos, cuxas consecuencias se verán co trancorrer do tempo.

O MAGO TITO

 O Mago Tito foi o conto  que hoxe os nenos e nenas de primeiro do Colexio Insúa Bermúdez viñeron a lernos e a escenificar  con motivo da semana do libro. Moitas grazas compañeiros

...CONTAME UN CONTO

   Hoxe os nenos e nenas de 5 anos  fomos a visitar ós  "Peques" do  Colexio INSUA BERMUDEZ.
   Con motivo do día do libro aproveitamos para contarlles uns contiños. Gozamos  moito con esta visita e ata fomos agasallados cunhas Chuches.
    MOITAS GRAZAS
   AH! O VENRES DIA 26 VEÑEN VERNOS Á NOSA ESCOLA E TRAEN UNHA SORPRESA

           ESTAMOS NA BIBLIOTECA DO COLEXIO INSUA BERMUDEZ DE VILALBA

23 de ABRIL DÍA DO LIBRO

BIBLIOTECA DA ESCOLA DE EDUCACION INFANTIL

22 de ABRIL DIA DA TERRA

                                                 

                          BUSCA INFORMACIÓN NA BIBLIOTECA DO COLE .

                          QUE PODEMOS FACER PARA COIDAR O PLANETA ?

Libro infantil recomendado : uno y siete y Gianni Rodari

Gianni Rodari

CONTACONTOS

      Onte visitounos unha contacontos da editorial Kalandraka, acompañada por un músico que deu vida a unhas historias sinxelas pero con moito ritmo. As nenas e nenos  disfrutaron de cada un dos contos, cantando e escoitando con moita atención.  " A galiña roxa", "Os petos de Loreto" e "Gatiño e o balón",foron os protagonistas para esta sesión.

ANIMACIÓN Á LECTURA

Onte na Biblioteca da nosa Escola  estivemos  con Pamela que veu contarnos o conto da "Gata e o Gato" e fixemos un mural entre todas e todos. Esta actividade foi feita con motivo do  DIA DA MULLER TRABALLADORA en colaboración co CIM de Vilalba (Centro de información á muller).

22 DE MARZO DIA MUNDIAL DA AUGA

       
           
                                         REFRANS

  Chova ou non chova, pan ha haber de sobra.               

           

   A auga de abril enche o cano e o carril.                     

                                  

   Abril que non chove deixa o labrego pobre.

   Abril, para ser abril, ten que vir con augas mil.

   Auga de abril e xeada de maio herba para todo ano.

   Polo abril que veñan augas mil ou cantas queiran vir.

   En abril cada pingueira de auga vale por mil.

   De abril a abril volven as augas por onde adoitaban vir.

   Xeada na lama, auga na cama.

   Chova por abril e por maio e non chova en todo o ano.

   Auga miúda, vendaval que dura.

   Auga de mediodía, auga para todo o día.

   Auga de trebón nunha parte dá e noutra non.

   Auga enriba de auga non lixa nin lava.

   Cando chove, chove; cando neva, neva; cando chove e vai vento, mal tempo.

   Se o domingo chove arredor da misa, pola semana adiante verás que risa.

   Auga en outono, non lle convén ao xornaleiro nin ao seu dono.

   Bote Deus auga, que feito está onde caia.

   Cando chove e vai vento, pecha a porta e queda dentro.

  LECTURAS RECOMENDADAS PARA ESTE DIA :

O Home da auga

Un día de lluvia

Tres princesas namoradas                            

A Tartaruga que quería durmir

Cando chove

Chuzos de punta

Cantas pingas na cidade

21 de MARZO DIA DA ÁRBORE

   Estamos estes días na Biblioteca  buscando información sobre as árbores. Aprendemos a importancia que teñen para a nosa vida e como as debemos coidar .

 

 

Grazas ao proxecto VOZ NATURA tivemos a oportunidade de escoitar a axentes do Seprona que nos viñeron a explicar como debemos coidar os bosques para evitar os incendios.

 

 

 

 

 

 

 

OS BICHOS DO NOSO PATIO

    
                                 ESTAMOS DECORANDO A ENTRADA DA BIBLIOTECA

FERMOSA PAISAXE

      Queremos compartir con todas e todos esta fermosa paisaxe dende a ventá da nosa Escola.

CUMPREANOS FELIZ!!!

PINOCHO cumpre 130 anos.
 Aproveitamos á ocasión para ler ás nenas e nenos o  conto  clásico de Pinocho.

CONTO PARA IGUALDADE

 
                    8 DE MARZO DIA DA MULLER TRABALLADORA

 CUENTO: UNA FELIZ CATASTROFE  A escritora Adela Turín nos sorprende con este conto que nos  axuda a reflexionar sobre a desigualdade http://www.ducotedesfilles.org/es/anims/flashdeluge.html

LIBROS RECOMENDADOS

8 DE MAIO: DIA INTERNACIONAL DA MULLER 

Títulos ‘en feminino’.

Os petos de Loreto

A galiña roxa

Grisela

Catarina, o oso e Pedro

Os tres bandidos

Amelia quere un can

O sorriso de Daniela

Orellas de bolboreta 

Bailar nas nubes

A gatiña Rosalinda

Letras nos cordóns

A coelliña Marcela

Libro das M’alicias

Rosa Caramelo

A galiña vermella

8 DE MARZO DIA INTERNACIONAL DAS MULLERES

      O 8 de Marzo celébrase o día da muller traballadora. Este día foi instaurado en 1917 por Nacións Unidas e según a versión máis extendida, conmemora os sucesos ocurridos en 1908 en Nova Iork, cando un grupo de costureiras industriais se declararon en folga para protestar polas súas condicións laborais pedindo aumento dos salarios e a reducción da xornada laboral. Durante esta folga 129 mulleres morreron queimadas nun incendio na fábrica Cotton Textile Factory, provocado polos donos da fábrica.

        Para celebrar este día desde a Biblioteca da nosa Escola, temos programadas diferentes actividades. Imos ter Contacontos e en colaboración co CIM (Centro de información á muller) do Concello de Vilaba teremos unha animadora á lectura que vainos contar  unha historia sobre gatas e gatos e  faremos un mural entre todas e todos.

MULLERES GAÑADORAS DO PREMIO NOBEL

    O Premio Nobel é outorgado anualmente pola Real Academia Sueca das Ciencias, A Academia Sueca, O Instituto Karolinska e o Comité Moruego del Nobel conceden o premio ás persoas que fan contribucións sobresaintes nos campos da Química, Física, Literatura, Paz, Fisioloxía ou Mediciña e Economía. 

     Entre as mulleres gañadoras do Premio Nobel está Madam Curie que gañou o de Física  en 1903 xunto so seu marido.É a única muller que ganou o  Nobel en máis dunha ocasión, xa que en 1911 ganou o de Química. A súa filla Irène JOliot- Curie, ganou o de Química en 1935.

   Doce mulleres gañaron o Premio Nobel da Paz, doce o de Literatura, dez o de Fisioloxía ou Mediciña, catro o de Química, duas o de Física e so unha muller o de Economía. Como curiosidade sinalar que 2009 foi o ano en que resultaron gañadoras do premio  un total de cinco mulleres.

 ALGUNHAS MULLERES CIENTÍFICAS

 HIPATIA.
Filósofa neoplatónica destaca en matemáticas e astronomía.

 MARIE CURIE.
Investigadora da radioactividade.
 JANE GOODALL.
Primatóloga, estudiou o uso de ferramentas  nos chimpancés.
 ROSALIND FRANKLIN.
Biofísica crucial para o coñecemento do ADN.

CONTACONTOS

                             Hoxe tivemos ocasión de disfrutar dun encontro con Pepe Maestro.

 

Pepe Maestro, é licenciado en Filoloxía Hispánica, profesor,escritor de narrativa e teatro,educador ambiental, titiriteiro e contador de contos.

 

            

BICHOS BOLA E XOANIÑAS

Mónica lendo un conto para todos e todas

Mónica contandonos cousas dos bichos bola e das xoaniñas

    Continuamos, hoxe, coas charlas  dos bichos do noso patio. Mónica a mamá de Irene Sández  da clase da profe Mª José é veterinaria e visitounos hoxe. Trouxonos un bicho bola e unha xoaniña  que fixo na súa casa para poder xogar con eles. Leeunos contos, xogamos ás adiviñas e ensinounos unha cantiga. Foi moi divertido

             

MOCHILAS VIAXEIRAS

         Dende o mes de febreiro as Mochilas Viaxeiras estan  percorrendo as casas dos nenos e nenas da nosa Escola,. Dentro da mochila  viaxa un libro divulgativo, un libro de entretemento, un DVD, unha revista de artigos de interese para as mamás e os papás  e un libriño viaxeiro para que a familia ou o neno ou a nena poda  escribir, debuxar...etc en difinitiva, expresar a súa opinón sobre o material que leva a mochila..Cada semana a mochila viaxa a unha casa e pouco a pouco ira percorrendoas todas.
  FAMILIAS, DAMOSVOS AS GRAZAS POLA VOSA COLABORACIÓN.

OS LIBROS VAN E VEÑEN

         Nas bolsas de Biblioteca, os nenos e nenas da nosa Escola, levan os libros para as súas casas semanalmente. Xunto ós libros, dentro da bolsa, viaxa unha pequena libretiña  para que poidan plasmar nela as súas opinións sobre os libros . Desta maneira axudanos a coñecer cales son os seus gustos  no momento de escoller un libro. A esta libretiña ímola chamar dende agora o LIBRO DOS LIBROS que ímos lendo a diario

LEMBRAMOS A ROSALIA DE CASTRO

RECITADO DE POEMAS,REPRESENTACIÓNS DE FRAGMENTOS DA SÚA OBRA, DEBUXOS E AUDICIÓNS MUSICAIS DO SEUS POEMAS FORON NESTE DÍA OS PROTAGONISTAS DA NOSA ESCOLA

                                                                                                    

24 de febreiro, Día de Rosalía de Castro (2013)

                                                                                ROSALIA DE CASTRO


Eu ben vin estar o moucho

enriba daquel penedo.

¡Non che teño medo, moucho;    

moucho, non che teño medo!

A Celebración do aniversario de Rosalía de Castro, o día 24 de febreiro, é unha data sinalada para o noso país. Este ano cúmprense os 150 anos da publicación de "Cantares Gallegos", libro fundamental para as xentes, a lingua e a cultura de Galicia. A Biblioteca da nosa Escola xunto ás bibliotecas escolares galegas súmanse a esta celebración.

OS CARACOIS

Escoitando a Pepe mentras fala dos caracois

Probamos mel e pole

   Hoxe volveu Pepe o papá de Icía e de Roi a contarnos cousas, esta vez, dos caracois. Tamén falounos doutro animal moi importante, as abellas , probamos pole e mel. Agora coas nosas profes e con todo o que estamos aprendendo, imos continuar co noso proxecto.