A DANZA E A IGUALDADE

Continuamos co programa "EDUCAR EN IGUALDADE", organizado pola ANPA, para este mes de novembro.

O luns, saímos ao auditorio da vila, para ver o espectáculo de danza pola igualdade: "SUPERPODERES".

TEATRO PARA IGUALDADE: "IRIÑA BAILARINA"

Dentro do programa EDUCAR EN IGUALDADE, promovido pola ANPA, a compañía teatral "Ghazafelhos" representou o fermoso conto IRIÑA BAILARINA.

Un pirata, un xogador de futbolín, unha bailarina de caixiña de música e un único desexo; xogar sen límites para medrar sen “medidas”. Ghazafelhos propón reflexionar sobre a igualdade de xénero, o cambio de roles ou os estereotipos sociais.

 

MAGOSTO 2021

O 11 de novembro, día de San Martiño, celebramos o MAGOSTO na escola.

Tivemos a sorte de contar co espectáculo Brinca vai!, de Paco Nogueiras. Grazas á ANPA por traernos esta actuación para amenizar o noso Magosto.

 

SAMAÍN 2021

Festexamos o Samaín por todo o alto! 

Decoramos os nosos patios con bruxas, monstros e catrinas... 

Desfrutamos dun contacontos a cargo da profe Mercedes: "A BRUXA QUE COMÍA PALABRAS BONITAS"... 

Festa de disfraces...

Photocall do terror...

DÍA DAS BIBLIOTECAS- 24 DE OUTUBRO-

Un lugar máxico para ler, aprender e descubrir.

Feliz Día Das Bibliotecas Escolares!

FESTA FIN DE CURSO 2020/2021

Rematamos o curso con FESTA RACHADA: xogos tradicionais, baile, paracaídas, colchonetas e merendola. 

O NOSO INMENSO AGRADECEMENTO Á ANPA POR FACER REALIDADE O SOÑOS DOS MÁIS PEQUEN@S.

DE CAMIÑATA!

O pasado mércores, fixemos un pequeno percorrido polo Camiño de Santiago que pasa pola nosa vila, Vilalba.

Visitamos o albergue As Pedreiras, a queixería Prestes, a Torre de Andrade e o Muíño do Rañego.

REVISTA: "A CARRILANA DAS NOVAS"

Traemos nova edición da nosa revista escolar "A Carrilana das Novas".

Nela lembramos os proxectos, conmemoracións, festas e os mellores momentos que compartimos neste curso tan intenso.

SAÍMOS NO PROGRAMA "OS BOLECHAS NO COLE"

Recentemente, a nosa escola, saíu no programa da TVG: "OS BOLECHAS NO COLE". Demos a coñecer o proxecto realizado durante o primeiro trimestre, adicado ao "DINOSAUROS".

Picando na imaxe, podedes ver o capítulo emitido. 

E aquí un vídeo máis amplo, feito polo equipo de TICS, con todo o que fixemos no proxecto.

PERCORREMOS O CAMIÑO DO NORTE

As nosas pequenas e pequenos peregrinos percorreron o CAMIÑO DO NORTE, dende Irún ata Santiago de Compostela.

Esta é unha actividade que se enmarca dentro do proxecto integral do PLAMBE e o proxecto Voz Natura, titulado: "BO CAMIÑO, BOA CAMIÑATA"

POESÍA DE XELA ARIAS

A profe Ana recítanos unha fermosa poesía de Xela Arias, recollida no no famoso libro "DARÍO A DIARIO".💙

FELIZ DÍA DAS LETRAS GALEGAS!

 

DÍA DAS LETRAS GALEGAS 2021

Este ano, o DÍA DAS LETRAS GALEGAS 2021, está adicado a Xela Arias.

Dende o equipo de biblioteca e o equipo de dinamización da lingua galega, deseñaron un tríptico informativo e didáctico para achegar a vida e obra desta escritora, poeta, traductora e defensora da lingua galega ao noso pequeno alumnado.

DÍA DO LIBRO 2021

A nosa biblioteca acolleu, polo Día do Libro, un gran espectáculo. Cinco funcións do teatro de sombras: BO CAMIÑO, VALENTIÑO!

MURAL DÍA DO LIBRO (23 DE ABRIL)

No Día do Libro estreamos mural no patio, fusionando o tema do proxecto trimestral, adicado ao Camiño, e a conmemoración do Día do Libro.

Á esquerda os embaixadores do Xacobeo, Xaco e Cami, e percorrendo o Camiño, fermosas ilustracións dos contos preferidos polos nosos nenos e nenas. 

PROXECTO: BO CAMIÑO, BOA CAMIÑATA

Este trimestre levaremos a cabo un proxecto de centro adicado ao Camiño de Santiago. Este proxecto está incluído no Programa Voz Natura e leva por título: "BO CAMIÑO, BOA CAMIÑATA"

DÍA MUNDIAL DA CONCIENCIACIÓN SOBRE O AUTISMO (2 ABRIL)

No DÍA MUNDIAL DA CONCIENCIACIÓN SOBRE O AUTISMO (2 ABRIL) a nosa escola apoia a campaña da Confederación de Autismo de España: "PODO APRENDER. PODO TRABALLAR".

O obxectivo é amosar que cada persoa é diferente e ten unhas determinadas fortalezas e cualidades, que a sociedade pode e debe fomentar para ser cada vez máis respectuosa coa diversidade.

UN TRIMESTRE CON ARTE

A arte foi o tema dos proxectos do 2º trimestre. Traballamos artistas recoñecidos como VAN GOGH, HERVÉ TULLET e JOAN MIRÓ.

CONCERTO DE UXÍA LAMBONA E A BANDA MOLONA

Para despedir o 2º trimestre tivemos a honra de ter en concerto, na nosa escola, a "UXÍA LAMBONA E A BANDA MOLONA".

Agradecemos á ANPA a súa colaboración para que isto fose posible.

Se queredes ver algún vídeo do concerto, picade aquí. 

CONTO: "AMIGOS"

A profe Oliva cóntanos a historia de "AMIGOS".

CONTO: "POR QUE HAI TANTAS PEDRAS NO FONDO DOS RÍOS?

Hoxe a profe Marián trae un conto tradicional africano empregando o teatriño "Kamishibai": "POR QUE HAI TANTAS PEDRAS NO FONDO DOS RÍOS?"

CHARLA SOBRE A SAÚDE BUCODENTAL

 A profe Marta e o ratiño Pérez estiveron preparando xuntos unha charla bucodental para que todos os nen@s do cole saiban coidar moi ben, moi ben, os seus dentes. Ao final da sesión levamos un agasallo do cole para poñer en práctica todos estes consellos .

 

UXÍA LAMBONA E A BANDA MOLONA

 GRAZAS A COLABORACIÓN DA ANPA, TEMOS O PRIVILEXIO DE COMUNICAR QUE O VINDEIRO 26 DE MARZO, TERÁ LUGAR NO NOSO COLE, UN CONCERTO DA MESMIÑA, DA ÚNICA E INIMITABLE...

 

DÍA DE ROSALÍA DE CASTRO

 O 24 DE FEBREIRO CELÉBRASE O DÍA DE ROSALÍA DE CASTRO, en honor ao aniversario do nacemento da emblemática escritora. Todos o nenos e nenas do cole fixemos un precioso mural para recordala.

 

CONTO: "A COUSA QUE MÁIS DOE DO MUNDO"

Comezamos o CICLO DE CONTACONTOS! 

Cada mes teredes dous contos narrados pol@s mellores contadores de historias de todos os tempos...os/as profes da escola. Aquí vos deixamos "A COUSA QUE MÁIS DOE DO MUNDO", por Marta N.

ENTROIDO

 Hoxe na escola tocou un pouco de festa!!! Agradecemos a colaboración da ANPA por eses postres de Entroido tan ricos!!

Unha  festa un pouco diferente pola situación que estamos vivindo, pero non deixamos de gozala tanto  pequenos/as como  maiores!!!

DÍA DA PAZ

 

O 30 de xaneiro celébrase o DÍA DA PAZ, no cole o venres botamos globos no exterior, elaboramos uns muíños de vento en común co resto dos coles de Vilalba e realizamos un mural que simboliza a unión de todos os corazóns.

 

 

PATIOS E PARQUE DINÁMICOS INCLUSIVOS

 Este curso as mestras e mestres deste cole comezamos  a aventura de facer dos nosos patios espazos dinámicos e inclusivos. E xa estamos vendo algún resultado.

 

VISITA DOS REIS MAGOS NO COLE

 As súas maxestades os Reis Magos viñeron dende oriente para recoller as nosas cartas e agasallarnos cunha chocolatina navideña.

 

 

TALLER DE TURRÓN DE CHOCOLATE

 

Este foi o resultado do taller de turrón de chocolate realizado no Nadal gracias a donación que fixo unha empresa da vila.

 

 

CAMPAIÑAS DE NADAL

 Este Nadal fixemos unhas campás que penduraron na árbore da praza do Concello durante todas as Festas.