O pasado venres, os nenos e nenas de 5º e 6º de Infantil, visitaron a Residencia de Maiores de Vilalba para cantarlles e bailarlles aos residentes cancións de onte, "O Pirimpimpín), e de hoxe, "Terra" das Tanxugueiras.
Esta fermosa e emotiva visita enmárcase dentro do CP Inclúe e do PDI "Os nosos maiores", proposto polo equipo de biblioteca para este curso.
No día de hoxe, homenaxeamos a ROSALÍA DE CASTRO.
Elaboramos este fermoso mural onde, cada pombiña, recolle unha estrofa do poema "Adiós ríos, adiós fontes", escrito polo alumnado.
Ademais colaboramos co IESCHA (Instituto de Estudos Chairegos), no marco das Xornadas Rosalianas que está levando a cabo. O IESCHA, solicitou a colaboración dos centros educativos a vila para decorar pensamentos (flor favorita da escritora).
Fai uns días, membros do Centro Ocupacional, viñeron a recoller eses pensamentos que no día de hoxe foron prantados no parque de Rosalía de Castro de Vilalba.
Agora, uns minutiños musicais para este día.
Como xa vén sendo habitual, o Entroido deste curso estivo vencellado ao tema do Proxecto Documental Integrado e do Programa Inclúe-t.
Unha viaxe ao noso pasado e ás nosas raíces.
.jpg)
Conmemoramos o DÍA ESCOLAR DA NON VIOLENCIA E DA PAZ.
Preparamos un mural que levaba como lema "Unha ollada pola paz".
Tamén bailamos e acompañamos, coas nosas pandeiretas, a canción "Non hai fronteiras" das Tanxugueiras.
Finalmente fixemos voar 5 pombas para facer chegar o noso desexo de tolerancia, amor e respecto a todos os lugares do mundo.
Co mural de Nadal que preside o patio da escola, feito con adornos realizados polas familias empregando elementos naturais, desexamos a toda a comunidade educativa un
FELIZ NADAL!
Broche final do trimestre coa visita das SS.MM. os Reis Magos e chocolate con churros.
Como xa é tradición, o concello de Vilalba, solicitou a colaboración dos centros educativos para adornar as árbores da praza da Constitución durante o Nadal.
O noso centro, apostando pola reciclaxe creativa, elaborou uns adornos creados con caixas vellas de zapatos e papeis de xornais.
Presentamos a nosa árbore dos agasallos.
Rematamos o ciclo de actividades do "IV Programa Educar en Igualdade", organizado pola ANPA, para este mes de novembro.
Así, todos os contos que están levando en préstamo teñen como temática a igualdade.
Os fondos son os que temos dispoñibles na nosa biblioteca de centro e outros cedidos pola Biblioteca Municipal.
Esta actividade está enmarcada no Programa sobre Igualdade que cada ano organiza a Anpa.
Un MAGOSTO inesquecible.
Unha xornada de xogos tradicionais a cargo da asociación "XOTRAMU" de Muimenta, castañas asadas na escola e baile conxunto para rematar a festa.
